الترانيم

الله بيدعمني ويسندني
وفي وقت الأزمة بينجدني
وإن كان وارد أتوه في السكة
ألاقيه يناديني ويرشدني

مش حاجة تطمن طبعًا طبعًا بتطمن
والجاي متأمن طبعًا طبعًا متأمن

يبقى أنا كيف أتوكل على إنسان
وإزاي أحزن لو فارقوني الأعوان
وإذا كنتم شايفيني وحدي أنا مش وحدي
دا اللي معايا سيد الأكوان

متقولش كتيرة وقليلة
لا تعدم من يده وسيلة
شايل أركان الكون كله
وعارفها بأصغر تفصيلة

أنا شاعر بيك… أنا شاعر بآلامك
أنا حاسس بأنينك… كل ده مريت بيه
اوعاك تفتكر إنك متساب في أحزانك
اوعاك تفتكر إنك وحيد وسط آلامك

١
ده أنا في الصليب… ضربوني بالحربة
ثقبوني بالمسامير… ضربوني
ده أنا في الصليب… رفعوني على الخشبة
عرّوني وهانوني… صلبوني

٢
ده أنت محبوب… على كفي أنا نقشتك
تحت جناحي سترتك… هتخاف من إيه
ده أنت ممسوك… بذراعي القديرة
أنا راعي الحظيرة… يا غالي

يا رب اسمع صلاتي اقبل واستجيب
تعال وزور حياتي واملأها لهيب

أنا طلبي إني أشوف المجد
أملي إني أشوفك
وحتى إن آخر باب اتسد
هالمس هدب ثوبك

إنت شافي نفسي
إنت شافي جسدي
إنت طبيبي
إنت إله عظيم
إنت إلهي
معاك مافيش مستحيل

تحييني من مماتي
إنت إلهي أنت يسوع الفادي
إنت واهب الحياة
إنت لي طوق نجاة
وفي إيدك ظروفي

إنت بتدي سلام
إنت فيك الأمان
إنت ماحي خوفي
أنا بس محتاج لصوتك
أنا هدفي رضاك وخوفك

اطمّن خايف ليه
دا ناقش اسمك على كفيه
طول ما أنت ماسك في إيديه
اطمّن

عنده للموت مخارج
ما هو هو الأسد الخارج
غالب وهايفضل غالب
اطمّن

١
ع الموج العالي بيمشي
وكمان المرضى بيشفي
يدي وبالنعمة يكفي
ويسدد الاحتياجات

في البحر يشق طريق
يتمجد وسط الضيق
ومهما الأحوال بتضيق
يجي ويصنع القوات

٢
ضابط كل الأكوان
وبروحه في كل مكان
وبيدي سلام وأمان
للي بيتعلق بيه

في الرحمة ما لهوش مثيل
وفداؤه دا هو دليل
عن حبه لكل ذليل
غالي ومحبوب في عينيه

٣
في الحرب يحارب عنا
لما بنصرخ له أعنا
طول عمره قريب منا
ولا يعرف مستحيلات

إبليس قدامه مرعوب
وباسم يسوع مغلوب
وإحنا بدم المصلوب
مضمون لينا انتصارات

يا اللي بديت الرحلة معايا
واثق فيك إنك هتكمل
إنت الفرح في وقت بكايا
وإنت القلب اللي بيتحمل

شكرًا ليك يا اللي بترعاني
يا اللي إيديك دايمًا رافعاني

٢
رغم إن أنا بتغير دايمًا
إنت أمين ما بتتغيرش
وعدك صادق لما بتوعد
عن وعدك إنت ما ترجعش

٣
خطة عظيمة مدبرها لي
رحلة عمر إنت راسمها لي
ساعدني يا رب أعيش لك
عالي فوق العالم فوق أحوالي

٤
شوقي يا رب أحبك أكتر
دا ماحدّش بيحبني قدّك
وحّد قلبي وخليني أسهر
طول أيامي أشهد عن حبك

بتفهمني وبتحس بيا
وتسمع كلامي اللي ما بقولوش
وبتحبني وتشفق عليّا
وأصغر نور فيّا ما بتطفّهوش

أنا ليا مين يا يسوع
غير قلبك اللي بيحبني
بتضمني وبيهمك
أصغر حاجة بتهتمني

أصحابي ناموا بالليل
وعينيك عليّا سهرانة
وحتى لو كان ليلي طويل
تبعت أغاني فرحانة

الضعيف إنت سانده
شعر راسي إنت عدّه
والطريق اللي أنا مش قدّه
إنت تمسك إيدي فيه

لو مافيش حاجة بإيديا
إنت ربي وفاديا
وفي ضعفي تشفق عليّا
واحتياجي إنت ماليه

متياس لما زمان صلى لك
واترجى في عطفك وجلالك
نجّيته من السجن ساعتها
أول ما الجملة دي قالها لك

علشان خاطر العدرا يارب
سهّل لي أموري وفرحني
علشان خاطر العدرا يارب
أصل الدعوة دي بتريحني

لحظة ما أنا للعدرا بنادي
بتطيب قلبي وبترضي
ياما زمان سمعتني وبرضه
أنا واثق فيها المرة دي

مبحبّش أروح يعني لغيرها
وفي عين ربنا غالي خاطرها
كل الطلبات تبقى مجابة
لما نكون قايلين في آخرها

أنا هأفرح بيك علشان إنت بتكفيني
أنا هاهتف ليك علشان إنت بتحميني

١
مش مستني يا ربي موقف راح يفرحني
أو مستني كلام هايطمني ويسعدني
أو مسنود على ناس تتغير وتجرحني
وأرجع لك من تاني علشان تشفي وتشبعني

٢
مش راح أنزل عيني من على شخصك وجمالك
وأتذكر ضعفاتي وخيانتي وكسر كلامك
وياك يتجدد عهدي تغمرني بنهر سلامك
وتفيض فيّ بروح ك شهادة لمجد جلالك

فرحان بيك وأنا ماشي معاك في طريقك
أنا بستناك
ولو إنت اديتني الحرية
أنا بختار أفضل وياك

يا اللي مراحمك دي أبدية
شايلاني بعطف وحنية
وأنا ماسواش أبدًا وبقولك
نعمتك دي يا رب غنية

الأعمى بيشوف النور
والمندري من الناس مقبول
والخاطي لما بيتألم
ترفعه بإيدك على طول

٢
وقت الخطر إنت معلمني
أفضل ثابت فيك
مع إني لما بشوف الموجة بتعلى
روحي يا ربي بتهرب مني

٣
كل ما أشوف صورتي المكسورة
وعيوبي جوايا محفورة
ألاقيك بتجمّل وبترسم
بتشكلني في أجمل صورة

٤
في الضيقة وجدتلي المخرج
ووعدتني من الحزن راح أخرج
دي مراحمك قوية يا ربي
الصعب ده قدامها بيفرج

١
عالي لفوق أنا رافع إيدي
عندك ملكي وعزي وسيدي
وبعز أنا مش عاوز حاجة
إن كانت مش راح ترضيك

أبدًا أبدًا ولا يغنيني
ولا يشبع قلبي ويرويني
ولا يملا عيني ويكفيني
غير بس اللي تجود بيه إيديك

٢
رافع إيدي بفرحة وبأعلن
إنت يا صاحب الوعد بتضمن
إنك تصنع للي فعلاً
حط رجاء أيامه فيك

أبدًا أبدًا مش مستني
حد من الدنيا يطمني
أو مسنود على غيرك لكن
سندي هيكون كله عليك

٣
رافع إيدي بفخر وبأهتف
طاير زي النسر بأرفرف
عالي عالي ومليان قوة
إنت أمين وأنا بأشهد ليك

أبدًا أبدًا مش متساب
وحدي هنا في دنيا الأتعاب
مليان قلبي سلام من وعدك
رب المجد بذاته حاميك